Vetëm disa orë para seancës për rezlutën e gjenocidit serb në Srebrenicë, lideri i republikës Srbska Milorad Dodik përsëriti kërcënimin se do të bëjë shkëputje nga bosnja e hercegovina.
Deklaratat Dodik i bëri nga Srebrenica ku përmes një shfaqje provokuese mbërriti me helikoper për të zhvilluar një mbledhje të qeverisë së tij.
“Në 30 ditët e ardhshme do të propozohet një marrëveshje për demarkacionin paqësor. Populli serb nuk mund të jetojë më gjatë në bosnjë e hecegovinë. Ajo që bënë boshnjakët me rezolutën për Srebrenicën është e paligjshme dhe ata nuk i respektuan serbët”, tha Dodik.
Për shkak të vizitës dhe mbledhjes se qeverisë së Dodik, Srebrenica ishte vendosur ‘nën rrethim’ që prej një nate më parë.
Auotmjete të blinduara dhe forca policie u fotografuan në të gjithë vendin.
Dodik ka bërë kërcënime edhe në të kaluarën, që territoret e kontrolluara nga serbët të shkëputen nga Bosnja dhe të bashkohen me Serbinë fqinje./vizionplus.tv