Në një intervistë për mediat britanike, presidentja e Kosovës, Vjosa Osmani, ka paralajmëruar përshkallëzimin e situatës në Ballkan. Ajo i krahasoj veprimet e presidentit serb, Aleksandër Vuçiç, me ato të presidentit të Rusisë, Vladimir Putin.
“Është një iluzion të besosh se zoti Vuçiq do të shkëputet nga Rusia – ai me siguri do të luajë lojëra dhe taktika dhe do të pretendojë si ai, por ai do të vazhdojë të luajë me të njëjtat synime ruse dhe serbe për të shkatërruar fqinjët dhe për të shkatërruar paqen. Forcat paraushtarake serbe dhe organizatat kriminale ndihmojnë në shkaktimin e dhunës në veri të Kosovës, me Rusinë që importon armë dhe uniforma ushtarake.”
Sipas saj, njohja reciproke është zgjidhja e vetme që mund të garantojë paqe dhe stabilitet afatgjatë.
“Serbia duhet të arrijë në atë pikë ku të kuptojë se realiteti i Kosovës si shtet i pavarur sovran është një realitet që do të ekzistojë përgjithmonë. Pra, sa më shpejt dhe sa më shumë që partnerët tanë ta thonë këtë dhe t’ia bëjnë të qartë Serbisë, aq më mirë për Serbinë, aq më mirë për rajonin dhe sigurisht për marrëdhëniet tona”
Osmani i kërkoi Perëndimit të vazhdojë mbështetjen ndaj Kosovës, pasi sipas saj, konflikti në Ballkan do të destabilizojë më tej Europën.