Kryeministri Edi Rama ka ngushëlluar familjet e viktimave nga aksidenti tragjik mes trenave në shtetin grek. Përmes një postimi në Twitter, kryeministri Rama shprehet se ndjen dhimbjen e shtetit fqinjë dhe lutet për kombin e tyre në këto momente të vështira.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së fundit në Greqi! Ne ndjejmë dhimbjen e fqinjëve tanë të dashur në një orë kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”, shkruan Rama.
Më herët reagoi dhe presidenti Bajram Begaj, i cili theksoi se Shqipëria qëndron pranë Greqisë në këto momente të vështira për shtetin fqinj. Nga përditësimi më i fundit nga autoritetet vendase raportohet për 36 viktima dhe dhjetra të plagosur.