Policia e Kosovës konfirmon se janë ekzekutuar tre sulmues nga shkëmbimi i zjarrit në zonën e fshatit Banjska. Në reagimin zyrtar thuhet se është arrestuar një nga sulmuesit që ndodhej në Manastirin e Banjskës, si dhe tre të tjerë, që dyshohet se komunikonim përmes radiove me sulmuesit e armatosur.
Gjithashtu, si pasojë e shkëmbimit të zjarrit është lënduar edhe një zyrtar i policisë së Kosovës.
Policia njofton se janë gjetur pajisje logjistike, mjete të dyshuara ushtarake, uniforma ushtarake si armë dhe municion të kalibrave të ndryshëm, që dyshohet se iu përkasin sulmuesve.
Ndonëse Policia e Kosovës konfirmon vetëm tre të ekzekutuar në radhët e të paktën 30 sulmuesve të armatosur, mediat vendase theksojnë se burime të sigurta bëjnë me dije se janë të paktën 7 sulmues të vrarë.