Në konferencën e përbashkët të zhvilluar me kryeministrin e Kosovës Albin Kurti, kancelari gjerman Olaf Shcolz deklaroi se Kosova është partnere e besueshme dhe se qëndron krah BE-së.
Po ashtu ai theksoi se me rëndësi është progresi i dialogut të Kosovës dhe Serbisë.
“Gëzohem që po vizitoj Kosovës. Si shembull përmend bashkëpunimin mes Kosovës dhe Gjermanisë duke treguar edhe marrëdhëniet e ngushta mes vendeve. Krahas marrëdhënieve bilateriale kemi biseduar edhe për liberalizimin e vizave dhe pozicionimin e Kosovës, kundër luftës në Ukrainë. Me rëndësi për Kosovën është që dialogu mes Kosovës dhe Serbisë të çohet përpara”, tha ai.
Nga ana e tij kryeministri Albin Kurti u shpreh se Serbia është ajo e cila po bllokon procesin.
“Serbia po vazhdon të bllokojë procesin. Kancelarin e njoftova për rëndësinë që Kosova i kushton procesit të Berlinit si mundësia më e mirë për rajonin. Nxisim dhe inkurajojmë çdo vend në Ballkan që të angazhohet në tregun e përbashkët rajonal. Ne besojmë se të gjithë do të përfitojmë duke hequr barrierat me tregtinë e lirë”, tha Kurti.