Ndërkohë në Serbi po mbahet takimi i këshillit të sigurisë kombëtare.

Presidenti Vuçiç, i cili është edhe komandant i përgjithshëm i forcave të armatosura, ka mbledhur në Beograd përfaqësuesit e të gjitha institucioneve të sigurisë, për të diskutuar mbi situatën e komunave në veri të Kosovës.

Kjo mbledhje u njoftua një natë më parë nga vetë presidenti Vuçiç, kur tha se serbia nuk do të rrijë duarkryq ndaj asnjë provokimi kundrejt qytetarëve të saj.

Që prej ditës së djeshme, forcat e armatosura serbe mbeten në gatishmëri të lartë ushtarake, ndërsa ministri i Mbrojtjes deklaroi se ato janë dislokuar pranë Kosovës.