Skena dhune dhe sjellje ekstreme poshtëruese në një transmetim të drejtpërdrejtë me viktima me aftësi të kufizuara mendore përfshihen në videot e postuara në rrjetet sociale nga YouTuber shqiptar, 35-vjeçari me pseudonimin Hayate ose Shef, i cili u arrestua mesditën e djeshme.
Në shtëpinë e tij, policia gjeti dy persona me aftësi të kufizuara mendore, të cilët YouTuber-i po i shfrytëzonte duke i vendosur në videot e diskutueshme nga të cilat fitonte para.
Mediat greke kanë ndarë disa nga videot e tmerrshme në të cilat shihen një burrë dhe një grua me aftësi të kufizuara mendore duke u nënçmuar nga 35-vjeçari.
Në dy video, i riu që shihet duke kërkuar disa para borxh dhe më pas goditet pa mëshirë nga YouTuber-i dhe banda e tij.
Dhe e gjithë kjo me mijëra shikues që ndjekin drejtpërdrejt skenat e dhunës.
Në një video tjetër, viktima e sjelljes degraduese të 35-vjeçarit është një grua me aftësi të kufizuara mendore nga një shtet afrikan, të cilën autorët e rrahën teksa i drejtoheshin me shprehje vulgare dhe përçmuese./vizionplus.tv/