Detaje të reja janë zbuluar nga masakra në Cetinjë të Malit të Malit. Mediat raportojnë se autori 34-vjeçar, Vuk Boriloviç dyshohet se u konfliktua pas vonesës së pagesës nga qiramarrësit.

Ai ka hyrë në banesat e dhëna me qira dhe ka filluar të qëllojë duke u marrë jetën fillimisht dy fëmijëve, njëri 8 dhe tjetri 11 vjeç si dhe plagosi nënën e tyre, Natasha Martinoviç. Më pas sipas dëshmitarëve autori ka telefonuar bashkëshortin e saj, Millosh Martinoviç dhe i ka thënë se kishte vrarë familjen e tij.

34-vjeçari më pas ka hyrë në shtëpinë e fqinjit të tij duke vrarë dy të moshuar dhe djalin e tyre teksa nipi ka mbetur i plagosur. Boriloviç ka qëlluar ndaj fqinjëve të tjerë dhe dajës së tyre si dhe ndaj dy motrave, fqinje të tij të cilat kanë mbetur të vdekura në vend.

Pas 80 minutash forcat e rendit e kanë plagosur autorin teksa ai ka refuzuar të dorëzohet duke hapur zjarr ndaj tyre ku ka mbetur i plagosur edhe një polic. 34-vjeçari është ekzekutuar nga një bashkëqytetar i tij i quajtur Nen Kalugjeroviç.

Tashmë policia është në negociata me Kalugjeroviç për dorëzimin e tij i cili është larguar nga vendi i ngjarjes.

Nga Sulmi në Cetinjë humbën jetën 11 persona, duke përfshirë dy fëmijë dhe 6 persona të tjerë u plagosën. Kjo është masakra më e rëndë që njeh Mali i Zi.