Avokati i një prej të mbijetuarve të aksidentit tragjik në Larisa ka akuzuar shefin e stacionit se nuk ka qenë në postin e tij gjatë momentit fatal.
George Bartzokis deklaroi se në vendngjarje ndodhej vetëm punonjësi i bravave dhe shefi i stacionit nuk është gjendur aty. Ai shton se
në momentin e aksidentit telefonatat e drejtuesit të stacionit kanë qenë të zhurmshme dhe me muzikë në sfond.
“100 metra larg është një kafene që nuk kishte muzikë. Shefi i stacionit nuk ishte në vendin e tij. Duket se bravandreqësi ishte në vendin e drejtorit të stacionit dhe shefi i stacionit ishte larg nga puna.”
Sipas tij këto pretendime janë të faktuara përmes provave. Policia ka sekuestruar kamerat në zonë për të ndjekur hetimet.
Shefi i stacionit përballet me akuza të rënda pasi dështoi në ndryshimin e çelësave që rezultoi fatal në incidentin tragjik që mori jetën e dhjetëra njerëzve.
Sipas dëshmive, 59-vjeçari kishte plot 17 minuta që kishte lënë dy trenat që lëviznin në të njëjtën linjë.
