Një varrezë makinash në Mbretërinë e Bashkuar ofron recetën më të mirë për të larguar të gjithë inatin dhe tensionin e vitit 2020, një ndër më të vështirët për historinë e njerëzimit, për shkak të pandemisë së koronavirusit.

Mënyra më e mirë për ta bërë këtë, sipas Scrap Car Comparison është duke qëlluar drejt makinave, me armë ose edhe me tank, për më të inatosurit.

Të gjitha mjetet janë të destinuara për skrap dhe për këtë arsye, kompania britanike ka vendosur t’i përdorë si tabela qitjeje, për ata që duan ta mbyllin me zhurmë vitin 2020.

Për shkak të kërkesës së madhe dhe hapësirës së kufizuar, biletat për të kaluar ditën në varrezën e makinave shpërndahen me lotari.