Një grua e cila për pak humbi shikimin për shkak të një tatuazhi që bëri në sy shprehet se nuk është bërë pishman pasi i pëlqen shumë pamja e re që ka.

26-vjeçarja Sarah Sabbath nga El Paso ka shpenzuar gjithashtu më shumë se 4000 dollarë për të mbuluar trupin me tatuazhe.

Por në rrëfimin e saj për “Truly”, Sarah tregon se për pak rrezikoi të mos shikonte pasi artisti që i bëri tatuazhin në sy gaboi me raportin e solucionit të salinës që i hodhi bojës.

Ajo më pas shkoi tek një okulist i cili i dha mjekim, por shprehet se ka ende probleme me shikimin. Më pas ajo shton se në tashmë nuk ka asnjë pishman pasi boja e vendosur në sy i ka dhënë një pamje të re.