Oborri i Shtëpisë së Kulturës dhe parkingui Muzeut të qytetit të Vushtrrisë do të jenë ekskluzivisht në dispozicion të diasporës prej 1 qershor e deri më 1 shtator, raporton Albinfo.ch. Lajmin e ka bërë të ditur, kryetari i Vushtrrisë, Xhafer Tahiri.
“Sot Bordi i Drejtorëve të Komunës ka vendosur që nga 1 Qershori deri më 1 shtator 2021, oborri i Shtëpisë së Kulturës dhe parkingu i tek Muzeu i Qytetit do të jetë në dispozicion të diasporës vushtrriase”, bën të ditur Tahiri.
Ai njofton po ashtu se në kuadër të aktiviteteve verore do të përgatitet edhe festivali “Ditët e Diasporës”.
“Ka dy vite që na mungon ardhja e diasporës në Vushtrri, prandaj me lehtësimin e masave anti Covid, DKRS ka përgatitur edhe festivalin “Ditët e Diasporës” ku do të ketë program të pasur kulturor për të gjithë bashkëatdhetarët tanë”, ka shkruar Tahiri, përcjell Albinfo.ch.
The post Vushtrria mirëpret diasporën, liron oborrin e Shtëpisë së Kulturës dhe parkingun e Muzeut për mërgatën appeared first on Albinfo.
