Një nga emisionet më të shikuara, të moderatores Kelly Clarkson, e ftuar ishte ylli i muzikës shqiptare, Ava Max, transmeton albinfo.ch.

Clarkson ka folur për origjinën e saj shqiptare, fakt që e ka theksuar që në prezantimin e emisionit në rrjetet sociale.

“Ava Max ka rrënjë shqiptare dhe është një këngëtare shumë e mirë. Por çfarë uji duhet të pinë këto këngëtaret e famshme shqiptare? Jeni të gjitha shumë të bukura, ti, Dua Lipa, Bebe Rexha dhe Rita Ora”, shprehet moderatorja për këngëtaret e njohura që përfaqësojnë Shqipërinë në tregun botëror të muzikës.

Kelly Clarkson: Nga janë prindërit e tu?

Ava Max: Shqipëria.

Kelly Clarkson: Oh, mendoj se jeni shumë këngëtare të njohura nga Shqipëria. Çfarë ndodh atje në Shqipëri, jeni shumë të bukura, shumë elegante. Keni ujë të mirë, jeni shumë pasionante, apo si?

Ava Max: Po, në fakt jemi shumë pasionante, edhe kur flasim, jemi shumë ekspresive. Mamaja ime, gjyshja janë gjithashtu elegante, është gjenetike mendoj.

Kelly Clarkson: Çfarë mendimi ke për Dua Lipa, Bebe Rexha dhe Rita Ora?

Ava Max: Janë si motrat e mia në muzikë, i adhuroj.

Kelly Clarkson: Do ishte fantastike nëse krijoni një grup.

The post Ava Max: Dua, Bebe dhe Rita janë si motrat e mia në muzikë appeared first on Albinfo.