Bëhet e ditur se Dua Lipa pas afirmimit të saj në skenën ndërkombëtare të muzikës si një nga artistet më të suksesshme të muzikës pop të dekadës së fundit, tani është gati të pushtojë Hollywood-in, përcjell albinfo.ch.

Sipas tabloidit britanik “The Sun”, Dua Lipa do të ketë një rol në filmin “Barbie”, përkrah protagonistes australiane, Margot Robbie.

Kjo nuk është aventura e parë e Dua Lipës në ekranin e madh. Vitin e kaluar ajo debutoi me një rol në filmin “Argylle”, interpretim i cili me sa duket ra në sy të producentëve të Holliwoodit.

Filmi “Barbi” pritet të jetë një sukses në sallat e kinemave jo vetëm për faktin se trajton historinë e një prej kukullave ikonë në industri, por edhe për shkak të kastës së aktorëve të njohur.

The post Dua Lipa merr një rol në filmin “Barbie” appeared first on Albinfo.