Kuzhina për Altinin është vendi ku realizon çdo ide lidhur me përgatitjen e ushqimeve që shquhen për shije të veçantë dhe dekore mbresëlënëse, transmeton albinfo.ch.

Duke qenë se çdo vend ka specialitete të ushqimeve, ato të tijat dallohen fare lehtë, si nga ana e gatimit, ashtu edhe për nga prezantimi dhe garnitura e pjatave, e cila punohen me shumë delikatesë nga ai dhe stafi i tij.

Ai ishte për 10 vjet si kuzhinier në Itali, ku edhe ishte vlerësuar me çmime të ndryshme si kuzhinieri ndër më të mirët në botë.

Ai tani konsidorehet si sotire suksesi, i cili pas shumë vitesh kthehet në vendlindje për të bërë “bumin” me hapjen e Mrizit të Zanave që sot konsiderohet i pakonkurencë në Shqipëri, transmeton tutje albinfo.ch.

“I thjeshtë deri në madhështi”, një frazë që përfaqëson plotësisht identitetin e familjes Prenga dhe tempullit të saj gastro-kulturor, fermës së Mrizi i Zanave, shkruan media italiane, “Reporter Gourmet”.

Mrizi do të thotë “deri në mesditë”: bukuria e kësaj fjale baritore është edhe titulli i një prej veprave të njeriut që konsiderohet si shkrimtari më me ndikim shqiptar i shekullit të 20-të, Gjergj Fishta, i lindur një hedhje guri nga këtu, në Fishtë, ku e ka shkruar poemën Mrizi i Zanave.

Gazeta italiane ka shkruar për kuzhinierin Altin Prengën, i cili u bë i famshëm për të gjithë për mënyrën e veçantë të përgatitjes së ushqimit, si ëmbëlsirat, ashtu edhe gjellët dhe brumërat. Shumë italianë kanë shijuar pjatat e mrekullueshme të përgatitura nga ai, duke u ndarë të mahnitur me ushqimet e tij.

Për më shumë:

https://reportergourmet.com/it/news/6016-chi-e-altin-prenga-lo-chef-albanese-che-ha-reso-il-suo-agriturismo-unicona-nel-mondo?fbclid=IwAR0p7ACexmdegsXMIuD2ZO3e6UuXbaojP8vKaBpcJwqjui8vbFjGIEV7JeE

The post Mediat italiane shkruajnë për kuzhinierin shqiptar që e bëri agroturizmin e tij ikonë në botë appeared first on Albinfo.