E lindur dhe rritur në Kanada nga dy prindër shqiptarë, Evisa Pacolli, 21 vjeç, do të marrë pjesë në garën për kurorën e bukurisë “Miss Universe Albania”, konkurs nga i cili përzgjidhet edhe përfaqësuesja shqiptare për garat ndërkombëtare të bukurisë, transmeton albinfo.ch.

Pacolli shënon një moment të veçantë për diasporën, pasi është pjesëmarrësja e parë shqiptare nga Kanadaja që konkurron në këtë event prestigjioz.

Me pjesëmarrjen e saj, Evisa synon të përfaqësojë jo vetëm bukurinë shqiptare, por edhe vlerat, kulturën dhe traditat kombëtare, duke e bërë krenare komunitetin shqiptar jashtë vendit.

Aktualisht, ajo jeton dhe punon në Kanada, ku është e angazhuar si menaxhere në një dyqan, ndërsa paralelisht po përgatitet për garën “Miss Universe Albania”, ku do të prezantojë historinë dhe rrugëtimin e saj si pjesë e diasporës shqiptare./Albinfo.ch

The post Nga diaspora në Shqipëri, Evisa Pacolli garon në ‘Miss Universe Albania’ appeared first on Albinfo.