minibus hire Leeds cheap fuel near me local minibus hire lajmet e fundit nga Kosova struga Lajm MOT history check cloud hosting lajmet e fundit uk web hosting online
Përtej dashurisë, përtej jetës: “Romeo dhe Xhulieta” në skenën e Festivalit “Moisiu” në Shkup - Struga Lajm | Struga Lajme
minibus hire leeds minibus hire Scarborough local minibus hire lajmet e fundit national minibus hire struga lajm lajme ssl web hosting struga Ekspres Shqiperia

Përtej dashurisë, përtej jetës: “Romeo dhe Xhulieta” në skenën e Festivalit “Moisiu” në Shkup

0
Përtej dashurisë, përtej jetës: “Romeo dhe Xhulieta” në skenën e Festivalit “Moisiu” në Shkup

Më shumë se katër shekuj pas Shekspirit, historia e Romeos dhe Xhulietës vazhdon të na kujtojë se dashuria nuk lind me urrejtje, por mund të bëhet viktimë e saj. Dhe se pajtimi, kur vjen tepër vonë, nuk mund ta kthejë më atë që është humbur.

Mbrëmjen e 21 nëntorit, kjo tragjedi u ngjit në skenën e Teatrit Shqiptar të Shkupit nga trupa e Teatrit Kombëtar të Kosovës, në kuadër të edicionit të katërt të Festivalit Mbarëkombëtar të Teatrit “Moisiu”. Para një salle të mbushur plot, publiku ndoqi një shfaqje ku pasioni, tensioni dramatik dhe emocionet u ndërthurën përmes interpretimit të aktorëve dhe regjisë së Ilir Bokshit.

Advertisement

Regjisori e solli veprën me një frymë të gjallë, duke ruajtur thelbin e saj dhe duke krijuar kalime të natyrshme mes çasteve komike dhe atyre dramatike. Humori i dha gjallëri shfaqjes, ndërsa ritmi i ngjarjeve e mbajti publikun të vigjilent deri në fund. Valmir Krasniqi, në rolin e Romeos, dhe Qëndresa Jashari, në rolin e Xhulietës, sollën interpretime që pasqyruan ndjeshmërinë dhe kompleksitetin emocional të personazheve. Në rolin e priftit, Ylber Bardhi solli një interpretim të natyrshëm dhe bindës, duke pasqyruar përpjekjet e personazhit për të ndryshuar rrjedhën e ngjarjeve dhe për të shmangur tragjedinë.Loja e përbashkët e trupës dhe dinamika skenike krijuan një tërësi artistike që u prit me duartrokitje të gjata nga publiku.

Sonte ndahen ç mimet “Moisiu 2026”

Advertisement

Festivali Mbarëkombëtar i Teatrit “Moisiu” i zhvilluar në Shkup nga 16 deri më 22 nëntor, përmbyll sonte edicionin e katërt me ceremoninë e ndarjes së çmimeve, duke filluar nga ora 21:30. Sipas organizatorëve, do të ndahen pesë çmime: Shfaqja më e mirë, Regjia më e mirë, Aktori më i mirë, Aktorja më e mirë dhe Çmimi i karrierës.

Festivali ka bashkuar trupa teatrore nga Kosova, Shqipëria, Maqedonia e Veriut dhe Presheva, duke sjellë para publikut vepra të dramaturgjisë shqiptare dhe botërore.

Advertisement

Luljeta Ademi

 

 

The post Përtej dashurisë, përtej jetës: “Romeo dhe Xhulieta” në skenën e Festivalit “Moisiu” në Shkup appeared first on Albinfo.

Advertisement
Share.

Comments are closed.

Copyright © 2021 StrugaLajme.com | Privacy policy

Struga Lajme | Lajmet nga Kosova | Lajmet e fundit