Një grup të rinjsh dhe të rejash shqiptare në Berlin, së bashku me të tjerë, kanë arritur që me vetëiniciativë dhe punë vullnetare të organizojnë për herë të parë Albanian Film Festival në Berlin, transmeton albinfo.ch.
Qëllimi i këtij festivali ishte dhe mbetet promovimi i kulturës, fuqisë krijuese dhe kinematografisë shqiptare para një publiku ndërkombëtar, objektiv që sipas organizatorëve është arritur me sukses.
Ky angazhim u vlerësua si një shembull i fortë i organizimit dhe energjisë krijuese të diasporës shqiptare, e cila po kontribuon në promovimin e identitetit kulturor në skenën ndërkombëtare.
Ambasada e Republikës së Kosovës në Gjermani ka theksuar se ky shpirt organizativ dhe kjo energji kreative pritet të vazhdojnë edhe në të ardhmen./Albinfo.ch
The post Rinia shqiptare në Berlin organizon për herë të parë Albanian Film Festival appeared first on Albinfo.
