Këngëtarja me prejardhje nga Kosova e me famë botërore, Rita Ora, në emisionin e yllit Elvis Duran, ka lavdëruar shqiptaret e famshme në Nju York, përcjell albinfo.ch.

Duke folur në emisionin në “iHeart Radio”, e pyetur për shqiptarët, Rita ka thënë se “kjo është një ndër arsyet përse e do New Yorkun”.

Tutje ajo është pyetur për artistet shqiptare dhe ka vënë theksin te tri yjet: Bebe Rexha, Dua Lipa e Ava Max.

“Këto janë këngëtare dhe artiste shumë të mira, performojnë dhe këndojnë shumë bukur”.

Përveç shqiptareve ajo ka lavdëruar edhe muzikën që bën kolegia e saj, ylli Taylor Swift.

“Pasi isha e pranishme në një nga koncertet e saj në Australi, ku shkova bashkë me Katy Perryn, e pashë që ajo përmes muzikës së saj i bën njerëzit të ndihen rehat”, ka thënë Ora.

The post Rita Ora fjalët më të mira për Dua Lipën, Bebe Rexhën dhe Ava Max appeared first on Albinfo.