Edicioni i sivjetëm i Sunny Hill Festival ka nisur mbrëmë në Parkun e Sunny Hill në Bërnicë të Prishtinës, duke mbledhur mijëra vizitorë nga Kosova dhe vende të ndryshme të botës, transmeton albinfo.ch.
Ylli botëror i muzikës pop, Katy Perry, ishte emri kryesor i natës së parë, duke u ngjitur në skenën kryesore në orën 22:30 dhe duke interpretuar disa nga hitet e saj më të njohura, si “Firework”, “Roar”, “Dark Horse” dhe “Teenage Dream”.
Përveç performancës së Perryt, publiku pati mundësi të shijojë edhe paraqitjet e artistëve vendorë dhe ndërkombëtarë në disa skena të festivalit, duke krijuar një atmosferë të veçantë që zgjati deri në orët e para të mëngjesit.
Programi i Sunny Hill Festival vazhdon edhe më 2 gusht me emra të njohur të skenës botërore, përfshirë Lewis Capaldi, Martin Garrix dhe Keinemusik, të cilët pritet të sjellin performanca spektakolare.
Sunny Hill konsiderohet një nga festivalet më të mëdha të muzikës në Evropën Juglindore, duke tërhequr çdo vit dhjetëra mijëra adhurues të muzikës nga rajoni dhe mbarë bota./Albinfo.ch
The post Sunny Hill nis me spektakël, mijëra vizitorë nga e gjithë bota në Prishtinë appeared first on Albinfo.
