Cristiana Lucchetti është një studiuese e gjuhësisë dhe punon si asistente kërkimore në Universitetin e Cyrihut. Në projektin e saj aktual kërkimor, ajo është duke shqyrtuar, ndër të tjera, rolin e gjuhës shqipe në Zvicër.

Në këtë kuadër, siç thotë znj. Lucchetti për albinfo.ch, ajo shpreh dëshirën të ndërgjegjësojë shoqërinë zvicerane se jo vetëm katër gjuhët kombëtare zvicerane, por edhe shqipja, ndër të tjera, është pjesë e imazhit të Zvicrës.

“Gjithashtu do të doja të siguroja që termat si “Jugo”, “Shqippi” etj., të mendohen në mënyrë kritike dhe në këtë mënyrë të rritet ndërgjegjësimi për nevojat dhe perceptimet e komunitetit shqipfolës në Zvicër kundër diskriminimit. Si hap i parë në studimin tim, aktualisht jam duke kryer intervista dhe po kërkoj të intervistuar për të diskutuar dhe dëgjuar temat e përmendura më sipër”, shprehet më tej zonja Luccheti.

Ajo thotë se të interesuarit mund të paraqiten në adresën e saj elektronike që mund të shihet në pllakatin më poshtë. Intervistat zgjasin “aq sa mund të keni ju kohë në dispozicion dhe janë plotësisht anonime”.

Këtu është faqja e saj e internetit me një përshkrim më të detajuar të studimit (në anglisht): https://www.slav.uzh.ch/de/seminar/mitarbeitde/sprachwiss/Cristiana-Lucchetti-.html

The post Universiteti i Cyrihut, me projekt për rolin e gjuhës shqipe në Zvicër appeared first on Albinfo.