Filmi kosovar “Zgjoi” me regji të Blerta Bashollit tashmë ka fituar edhe një çmim ndërkombëtar.

Në Francë, ky film është shpërblyer me çmimin kryesor “Golden Antigone” në edicionin e 43-të të Festivalit Mediteran të Filmit “Cinemed”.

Kështu ka bërë të ditur aktorja në rolin kryesor, Yllka Gashi, përmes një postimi në Facebook.

“Edhe një sukses i radhës për filmin “Hive-Zgjoi” me skenar e regji të Blerta Bashollit!!! “Hive – Zgjoi” sonte ka triumfuar edhe në Francë, duke u shpërblyer me çmimin e 13-të ndërkombëtar përkatësisht duke marrë çmimin kryesor “Golden Antigone” në edicionin e 43-të të Festivalit Mediteran të Filmit “Cinemed” në Montpellier të Francës”, ka shkruar Gashi në postim.

The post “Zgjoi” shpërblehet me çmimin e 13-të ndërkombëtar appeared first on Albinfo.