Jemi në periudhë pushimesh dhe sigurisht para se të shkoni në destinacionin që keni planifikuar, mendoni se ato ditë do të jenë perfekte për ju. Mirëpo, për arsye nga më të ndryshmet nuk rezulton kështu dhe duhet thënë që faji është i juaji. Ndoshta nuk doni ta pranoni, por kjo është e vërtetë.

Për këtë arsye, ne do ju sjellim disa gabime që bëni ju gjatë kohës kur jeni me pushime që ndikojnë të mos kaloni ditët ashtu siç i keni planifikuar.

Nuk shikoni review e restoranteve para se të shkoni
Gjëja e fundit që dëshironi është të paguani para për ushqim të keq. Mos harroni të kërkoni rekomandime nga ata që e kanë vizituar vendin më herët.

Kaloni shumë kohë në rrjetet sociale
Mendoni se keni shumë kohë në dispozicion dhe këtë e kaloni në rrjetet sociale, por kjo nuk është në të mirën tuaj. Këshilla më e mirë, lëreni celularin dhe shijoni çdo moment.

I shpenzoni paratë që ditën e parë
Çdo gjë ka nevojë për masën e saj, sepse në fund të ditën muaji nuk ka vetëm 7 ditë.  Bëni llogaritjet tuaja, kontrolloni çmimet dhe bëni zgjedhjet e duhura. Një pasuri nuk duhet të zhduket brenda një jave.

Puna dhe pushimet nuk shkojnë bashkë
Ne e duam punën në distancë dhe e mbështesim plotësisht. Megjithatë, mos bini në grackën e punës gjatë pushimeve tuaja. Nuk janë pushime, qoftë edhe nëse ktheni një e mail apo lexoni mesazhet në grupin e punës.

Nuk po ushqeheni siç duhet
Nuk po themi sigurohuni që të gjitha vaktet tuaja të jenë perfekte, por mos e teproni me ushqimin e keq. Nuk do të keni as energji për të bërë atë që dëshironi dhe e gjithë mundi që keni bërë do të shkojë dëm.