Nuk do të ishte Krishtlindje pa filma për Krishtlindje. Dhe nuk ka asgjë më relaksuese sesa një film i lumtur për Krishtlindje, që e dimë se si përfundon.

Të gjithë ne kemi një film të preferuar, por dhe Mbretëresha Elizabeth ka të preferuarin e saj për Krishtlindje, por nuk është aq festiv.

A e dini se çfarë shikon Mbretëresha Elizabeth gjatë pushimeve të Krishtlindjeve? Është “Flash Gordon”.

Filmi i aventurave fantastiko-shkencor i viteve ’80, ku një perandor galaktik vendos të asgjësojë planetin Tokë për të luftuar mërzinë.

Një film në të cilin, në pothuajse dy orë, nuk ka asnjë spërkatje bore, ose një zbukurim të Krishtlindjes.

Lajmi është konfirmuar nga një burim i sigurt, sepse vjen direkt nga aktori 83-vjeçar, Brian Blessed, i cili luan Princ Vultan në film.

Në një intervistë me Edith Bowman në “Yahoo Movies”, Brian Blessed tha: “E pabesueshme, por e vërtetë, “Flash Gordon” është filmi i preferuar i Mbretëreshës. Ajo e shikon atë çdo vit me nipërit e mbesat e saj në ditën e Krishtlindjes “.