Bota po tenton sërish të rikthejë një jetë normale pas pikut të pandemisë, që bllokoi për më shumë se një vit rrjedhën e natyrshme të gjërave.
Në një vit të tillë, plot maska, me dyqane dhe kafene të mbyllura, pa koncerte dhe mundësi udhëtimi, patjetër që nuk mund të flitej për cilësi jete.
Për këtë arsye, një revistë prestigjioze si Monocle, që pikërisht në stilin e jetës fokusohet, kishte anuluar renditjen e saj tradicionale të qyteteve ku mund të jetohet më mirë në botë.
Por së fundmi renditja për këtë vit ka dalë, dhe konfirmon trendin e dekadës së fundit. Është Kopenhagen qyteti i pari në renditje, ai ku sipas analizës, ofron kushte më të mira jetese.
Revista prestigjioze Monocle ka renditur qytetet me cilësinë e jetës më të mirë 
Kryeqyteti danez Kopenhagën mban vendin e parë 
Zyrihu vjen pas në vend të dytë 
Helsinki në vend të tretë 
Stokholmi mban vendin e katërt 
Tokio mban vendin e pestë në klasifikim 
Vjena renditet në vend të gjashtë 
Lisbona në vend të shtatë 
Okland e Zelandës së Re, në vend të tetë 
Sidney në Australi mban vendin e dhjetë 
Kryeqyteti i Tajvanit Taipei mban vendin e nëntë
“Kopenhaga është një nga ato qytete që ka ambicie të vërtetë për të ofruar një cilësi më të mirë për të gjithë”, deklaroi kryeredaktori i Monocle, Andrew Tuck.
Parametrat ishin të ndryshme, nga ato tradicionale si infrastruktura, shëndetësia, thjeshtësia për të hapur biznese, tregu i punës, por këtë vit ishte e fokusuar edhe te cilësi si “mbrojtja e skenës kulturore, të transportit publik dhe të parqeve, por edhe të krenarisë për qytetin”.
Kryeqytetit danez i bashkohen në 5 më të mirat edhe Zyrihu, që fitoi në 2019, dhe dy kryeqytetet e tjera skandinave, Helsinki dhe Stokholmi, por edhe një metropol aziatik si Tokio.
Renditja
1. Kopenhaga
2. Zyrih
3. Helsinki
4. Stokholmi
5. Tokio
6. Vjena
7. Lisbona
8. Okland
9. Taipei
10. Sidney
11. Seul
12. Vankuver
13. Mynih
14. Berlin
15. Amsterdam
16. Madrid
17. Melburne
18. Kyoto
19. Brisbane
20. Los Angeles
