Një balenë gjigante blu ka dalë në breg në Namibi, hera e parë për një gjallesë të tillë.

Balena me një gjatësi rreth 18 metra u gjet e ngordhur në breg rreth 5 mijë milje larg habitatit të saj natyral, pasi dyshohet se u përplas me një anije.

“Duket sikur balena është goditur në disa pjesë nga një anije, pasi ka dëmtime. Megjithatë, nuk jemi të sigurt”, ka thënë një zyrtar në Namibi.

Balenat blu mund të arrijnë një gjatësi deri në 30 metra dhe një peshë 150 tonë.