Me kalimin e viteve dhe afrimin e një moshë të caktuar, sigurisht që memoria e njeriut nis të pësojë luhatje të herëpashershme, e deri në humbje të përhershme të saj.
Mirëpo, ende nuk ka një ilaç konkret që ndihmon në eliminimin e këtij fenomeni, megjithatë doktorët dhe shkencëtarët janë shpresëplotë që dita e pasjes së një të tilli nuk do të jetë e largët.
Sipas bluzave të bardha humbja e herëpashershme e memories është diçka normale të njerëzit e moshuar, duke qenë një gjendje mentale normale mes memories dhe dementias.
Sipas shifrave zyrtare rezulton se më shumë se 1/4 e personave 80-84 vjeç pritet të kenë të tilla episode humbjeje të memories, madje disa prej tyre kanë pasur një prirje të zhvillimit të shpejtë të dementias.
Kjo është diçka që nuk mund të shmanget kur ndodh, por për fat të mirë ekzistojnë disa hapa që shërbejnë për parandalimin e këtyre simptomave.
Janë disa teste që mund të kontrollojnë memorien tuaj dhe aftësitë tuaja të të menduarit, dhe kjo mund të realizohet mjaft mirë te njerëzit e këtyre moshave.
Megjithatë, ende në botë nuk është bërë i mundur zbulimi i një ilaçi që mund të ndihmojë në këtë drejtim, përveç disa suplementeve bimore, që thuhet se parandalojnë diçka të tillë.
E nëse të tilla suplemente nuk ju ndihmojnë, atëherë duhet të ktheni sytë nga disa zakone të përditshme, që mund të jenë pikërisht çelësi juaj drejt zgjidhjes së situatës.
Së pari, shikoni nëse flini mjaftueshëm, nëse flini në kohë dhe nëse e mundoni trurin tuaj gjatë kohës kur punoni, hani apo edhe kur ushtroheni.
Ushtrimet janë çelësi i suksesit momentalisht në këtë drejtim, ushtrime, të cilat kanë treguar se ndihmojnë në rritjen dhe forcimin e memories.