Evolucioni i qenve në 100 vjet - Struga Lajm | Struga Lajme

Disa raca qensh kanë ndryshuar në 100 vjet për fajin, ose meritën e njeriut. Në fillim të viteve 1900, numëroheshin 167 raca qensh. Por si kanë ndryshuar me kalimin e kohës? Blogu Science and Dogs ka krahasuar fotot e sotme me ato që u shfaqën 100 vjet më parë në librin “Dogs of all nations” në 1915 “Qentë e të gjitha kombeve”. Krahasimi i fotove tregon sesi kryqëzimet dhe përzgjedhja kanë formësuar dhe transformuar disa raca. Nga zagari persian te buldogu anglez po ju sjellim disa prej tyre.

Në fillim të viteve 1900, numëroheshin 167 raca qensh. Por si kanë ndryshuar me kalimin e kohës? Blogu Science and Dogs u përpoq të krahasonte fotot e sotme me ato që u shfaqën 100 vjet më parë në librin “Dogs of all nations” në 1915. Krahasimi i fotove tregon sesi kryqëzimet dhe përzgjedhja kanë formësuar dhe transformuar disa raca.

Basset Hound dje dhe sot. Basset Hound është një racë e krijuar në Francë dhe më pas u importua në Angli në vitet 1800. Më pas u zhvillua në SHBA. Sot ai shfaqet më i shkurtër se në të kaluarën dhe veshët i duken edhe më të mëdhenj.

Bull Terrier dje dhe sot. Është raca që ka pësuar transformimin më të dukshëm. Në librin “Qentë e të gjitha kombeve” ai shfaqet shumë më i hollë dhe mbi të gjitha me fytyrë më natyrale. Tani fytyra është më e theksuar dhe gjithashtu barku është shumë i ndryshëm. Bull Terrier është një racë e lindur në Britaninë e Madhe. Përdorej kryesisht në luftimet me dema.

Pastori gjerman dje dhe sot. Këmbët e pasme tani janë më të ulëta se në të kaluarën. Në “Qentë e Kombit” pastori gjerman përshkruhej si i shkathët dhe i shpejtë. Sot ai është bërë shumë më masiv dhe i rëndë.

Pug-qeni kinez dje dhe sot. Qeni kinez i sotëm është më i vogël se ai i mëparshmi. Ai mbërriti në Evropë midis shekujve 16 dhe 17 nga Kina.

Dachshund dje dhe sot. Dachshund është një krijim i mbarështuesve gjermanë. Krahasuar me të kaluarën, ai është zgjatur dhe këmbët janë bërë shumë më të shkurtra.

Shën Bernardi dje dhe sot. Shën Bernardi i sotëm është shumë më i madh se në të kaluarën, ndërsa fytyra duket më e shkurtër. Mendohet se origjina e racës daton nga mastifet e mëdha që legjionet romake lanë me trupat e destinuara për garnizonin e pikave strategjike në rrugët kryesore të komunikimit. Emri i tyre rrjedh nga fakti se ata u përdorën në shtëpitë e të moshuarve të vendosur në Colle San Bernardo rreth vitit 1660 si qen shpëtimi, si edhe për përdorime të tjera.

Buldogu anglez dje dhe sot. Këmbët më të shkurtra dhe fytyrë më të sheshtë. Siç nënkupton edhe emri, bulldogu ka “lindur” si një qen që lufton kundër demave.

Lexo edhe: