Përtej telekomandës, tastierave dhe telefonave celularë – është koha për të pastruar artikujt e mëposhtëm… Mund të siguroheni që të pastroni siç duhet banjën, kuzhinën dhe sipërfaqet e saj, si dhe furçat e grimit, por përtej kësaj, do të ishte mirë të fokusoheni në artikuj të tjerë, të cilët sipas hulumtimeve të reja mbledhin më shumë baktere nga sa e imagjinoni.

Tasat dhe lodrat e kafshëve shtëpiake
Pështyma dhe lagështia krijojnë mjedisin ideal për rritjen e mikrobeve dhe baktereve. Është e rëndësishme të lani mirë tasat e kafshës shtëpiake sa herë që u jepni ushqim dhe ujë për të shmangur mikrobet. Vëmendje e veçantë i kushtohet lodrave silikoni.

Çanta shpine
E imagjinonit këtë? Me siguri jo. Është një çantë që e vendosim kudo. Nga zyra, mjetet e transportit, në dysheme. Më e rëndësishmja, ky është një artikull që pothuajse nuk e lani kurrë. Nëse ka një tregues të përshtatshëm se çanta juaj e shpinës mund të futet në lavatriçe, bëjeni pa u menduar. Përndryshe me një pecetë dezinfektuese ose sprej, pastroni sa më shumë që të mundeni.

Portofoli
Nuk na bën shumë përshtypje që ky artikull është në këtë listë. Nëse marrim parasysh paratë që prekim dhe më pas portofolin, apo edhe kartat, mund ta kuptojmë se sa mikrobe mund të barten.