Autoritetet e Aeroportit Ndërkombëtar “Tampa” në Florida kanë bërë një zbulim sa të frikshëm aq edhe të çuditshëm në bagazhet e dorës së një udhëtari, i cili kishte fshehur brenda saj një gjarpër super gjigand, i llojit “Boa”, që njihet për aftësinë e tij për të vrarë nëpërmjet shtrëngimit.

“Boat” janë gjarpërinj jo helmues që vrasin gjahun e tyre duke e shtrydhur me anë të shtrëngimeve të tyre të forta, ndërsa gama e tyre natyrore është Meksika veriore deri në Argjentinë.

Megjithatë, të hipësh në avion me kafshën tënde shtëpiake, qoftë ky edhe një gjarpër, nuk ka asgjë të keqe, veçse sipas autoriteteve aeroportuale, duhet që vendin ku e mbani ta lini bosh për ta kaluar në kontrollin e rrezeve X, dhe jo bashkë me kafshën brenda.