Themeluesi i Microsoft, Bill Gates është fotografuar për herë të parë në publik që kur njoftoi divorcin e tij nga Melinda Gates.

65-vjeçari u pa në Manhattan të shtunën pasi zbarkoi nga avioni i tij privat në Aeroportin Newark në New Jersey.

Unaza e martesës ishte ende në dorën e tij të majtë ndërsa shoqërohej nga vajza e tij 18-vjeçare Phoebe dhe i dashuri i saj Chaz Flynn.

Një nga çiftet më të pasura në botë, Bill dhe Melinda Gates kanë deklaruar divorcin, që i jep fund martesës së tyre prej pothuajse tri dekadash. Për herë të parë, çifti u takua në vitin 1980, kur Melinda iu bashkua Microsoftit.

Çifti i miliarderëve janë prindër të tre fëmijëve, Jennifer, Phoebe dhe Rory. Ata janë bashkëthemelues të organizatës Bill & Melinda Gates Foundation. Fondacioni ka si qëllim dhe shpenzon me miliarda para për të luftuar kauza të tilla si sëmundjet infektive apo inkurajimin e vaksinimit te fëmijët.