Për momentin, linoja duket se është pëlhura e preferuar e verës. Më së shpeshti shihet në formën e këmishave, por po dominon gjithashtu kategoritë e fustaneve, bluzave, xhaketave dhe pantallonave të shtëpive të modës këtë sezon. Dhe ka një mënyrë që mund të na shpëtojë nga pyetja e përditshme e mëngjesit se “çfarë të veshim sot”.

Një fund lino është gjithmonë një zgjidhje perfekte, si në punë, ashtu edhe pasdite dhe ju sigurojmë që do të dukeni shumë bukur.

Po, do të rudhosen shumë shpejt, por kjo nuk e zhbën bukurinë e tyre. Mund ta kombinoni me diçka të thjeshtë si një T-shirt, bluzë apo, për një pamje totale, një këmishë linoje. Nëse doni të arrini një pamje elegante pa shumë mundim, një fund linoje është zgjidhja.