Mes peshqve dhe molusqeve shumëngjyrëshe, këtë vit konkursi prestigjioz i fotografive “Ocean Art” ka gjithashtu një ndërhyrës famëkeq, virusin Covid.
Për një vit tjetër, imazhet e “Ocean Art 2020 Underwater Photo Competition”, një konkurs ndërkombëtar fotografie tani në edicionin e tij të nëntë, kthehen për të na mahnitur me bukurinë e tyre, por edhe për të na bërë të reflektojmë për çështjet aktuale. Maska dhe doreza, pjesë e jetës së përditshme me mbërritjen e pandemisë Covid, nuk kanë bërë asgjë tjetër përveç përkeqësimit të situatës së deteve tona, duke depozituar shumë shpesh plastikë dhe mbeturina.
Këtë vit morën pjesë mijëra fotografë nga tetëdhjetë vende të ndryshme të botës. Konkursi ishte i ndarë në dymbëdhjetë kategori dhe shpërndau çmime në vlerë totale 45 000 dollarë. Po ju sjellim disa nga fotografitë më të bukura fituese të çmimeve.
Fitues i përgjithshëm i konkursit me çmimin Best of Show, si dhe fitues i kategorisë me kënd të gjerë, kjo fotografi është realizuar në Australi: “Kur vura re oktapodin, pozicionova kamerën afër guvës së tij. Kafsha erdhi jashtë dhe filloi të bashkëveprojë me ne, duke bërë fotografi”, tha fotografi. Në sfond, fytyra e habitur e djalit të tij. Gaetano Dario Gargiulo | Ocean Art 2020 
Fituesi i seksionit Macro është ky pontohi i bukur i Hippocampus, një specie e sapo zbuluar e kalit të detit. Jeton në gumën koralore dhe nuk është lehtë i dukshëm. Fotografia është bërë në ishullin Siladen, në Indonezi. Galice Hoarau| Ocean Art 2020 
Kjo foto, e realizuar në Kubë, fitoi çmimin e parë në kategorinë e Artit Nënujor. Autori pretendon të shohë “fytyra kurioze” të pasqyruara në sipërfaqen e ujit. Jenny Stock | Ocean Art 2020 
Çmimi i parë në kategorinë Blackwater i takon kësaj shkrepjeje, e cila përshkruan një larvë shumë elegante dhe shumë të rrallë të Acanthonus Armatus. Imazhi u kap afër brigjeve të Florida: ndërsa të rriturit e specieve jetojnë në thellësitë e oqeanit, mostrat më të reja herë pas here mund të shihen në ujëra më të cekëta. Steven Kovacs| Ocean Art 2020 
Ky imazh i një molusku të vogël, vetëm 5 mm të gjatë, i cili jeton brenda një alge që i ngjan një flluske sapuni, fiton kategorinë Nudibranchs (molusqe shumëngjyrëshe që mbushin të gjitha detet e botës). Fotografi shkrepi fotografinë, me titull “Karantinë”, vetëm tre metra i thellë në një port të braktisur në Green Island, Tajvan. “Shumë njerëz kanë jetuar në karantinë këtë vit,” tha ai, “Unë mendoj se kjo foto përfaqëson më së miri momentin që po jetojmë.” © Wen Chou Wu| Ocean Art 2020 
Ky peshk (Antennarius commersonii) duket i mahnitur nga fotografi, i cili e befasoi atë ndërsa po notonte i qetë në shkëmbin koral të Filipineve. Fotoja fitoi çmimin e parë në kategorinë Wide Angle për kamera kompakte. © Enrico Somogyi | Ocean Art 2020 
Shkrepja e kësaj larve të vogël Blennioidei, e gjetur natën në brigjet e Havait, renditet e dyta në kategorinë Portrete. Fotografi ishte në gjendje të kapte një imazh të pabesueshëm të peshkut, vetëm 1.5 cm të gjatë, ndërsa ai fryn pendët e tij në një përpjekje për t’u dukur më i madh dhe për t’i shpëtuar kapjes nga grabitqari i tij. © Jeff Molder| Ocean Art 2020 
Fitues i kategorisë Biseda Nënujore, një imazh që flet vetë, i marrë në Antibes, në rivierën franceze: “Këto maska janë fatkeqësisht një simbol i mosrespektimit tonë ndaj mjedisit”, tha fotografi, “dhe do të mbetet në detet tona për një kohë të gjatë, edhe pasi të ketë mbaruar pandemia e Covidit “. Christophe Chellapermal| Ocean Art 2020 
Fitues i kategorisë Biseda Nënujore, një imazh që flet vetë, i marrë në Antibes, në rivierën Franceze: “Këto maska janë fatkeqësisht një simbol i mosrespektimit tonë ndaj mjedisit”, tha fotografi, “dhe do të mbetet në detet tona për një kohë të gjatë, edhe pasi të ketë mbaruar pandemia e Covidit “. Christophe Chellapermal| Ocean Art 2020
