Një britanik u ndalua nga autoritetet në Korenë e Jugut teksa përpiqej të ngjiste pa asnjë masë sigurie, një prej 6 ndërtesave më të mëdha në botë.

George King-Thompson u detyrua nga policia e Seulit të ndalonte provën e tij të çmendur në mes të ndërtesës, duke e bërë 24-vjeçarin të hynte brenda.

Në një video të lëshuar nga stacioni i zjarrfikësve Songpa, shihet 24-vjeçari britanik që ngjitet vetëm me duar e këmbë, pa asnjë litar sigurie në kullën Lotte, e cila është 123 kate e lartë.

I riu po merret në pyetje nga policia, teksa mësohet se ai është arrestuar më herët për të njëjtën shkelje dhe në Londër ku po ngjiste ndërtesën Shard.