Shtëpia në Beverly Hills e legjendës së ndjerë të Hollivudit, Kirk Douglas dhe gruas së tij Anne, është nxjerrë në shitje dhe u rendit për 7.5 milionë dollarë në fillim të këtij muaji.

Prona u ble nga çifti për 400,000 dollarë në vitin 1976 dhe ata jetuan ditët e tyre të fundit në rezidencën modeste. Anne vdiq në prill në moshën 102-vjeçare, vetëm 15 muaj pas vdekjes së burrit të saj i cili ndërroi jetë në moshën 103-vjeçare dy vjet më parë.

Prona mahnitëse e viteve 1920, e vendosur në një nga lagjet më të shtrenjta dhe ekskluzive të vendit, ka katër dhoma gjumi, gjashtë banja, një shtëpi kryesore njëkatëshe 4648 metra katrorë dhe një shtëpi pritjeje dykatëshe.

Ndër veçoritë e tij më unike është një Ëalk of Fame në oborrin e shtëpisë i kompletuar me 40 autografe origjinale nga mbretërit e Hollivudit duke përfshirë Frank Sinatra, Lucille Ball, Roger Moore, Ronald Reagan, Elizabeth Taylor dhe Jane Fonda.

Sipas zotërueses së pasurive të paluajtshme të Los Anxhelosit, Rochelle Altas Maize nga Nourmand & Associates, shtëpia ka 22 gurë, disa ishin nga pronat e tyre të mëparshme.

“Është si “Walk of Fame” në Hollywood të Teatrit Kinez të Grauman-it me steroide, shtoi ajo.

Përveçse e quajti pasurinë ikonë dhe të veçantë, Maize tha se iu desh më shumë se një orë për të fotografuar dhe shkruar emrat në gurë nga disa prej aktorëve më të kërkuar në botë, talenteve dhe personazheve të famshëm.