Moda lë gjithmonë shenja dhe çfarë më mirë sesa të lësh shenjë përmes kontrastit?! E bardha dhe e zeza krijojnë një kontrast tërheqës dhe të fuqishëm që është e vështirë të injorohet. Të zezën të bashkuar me të bardhën, stilistët dhe të pasionuarit e modës e kanë vlerësuar ndër shekuj. Padyshim, një shembull i tillë ikonik është ai i Coco Chanel dhe Fustani i Zi i Vogël (LBD) që u prezantua nga Chanel, në vitet 1920.  

Të vishesh bardhezi i përshtatet çdo sezoni. Në verë, ofron një imazh të freskët dhe të këndshëm, ndërsa në dimër, sjell ngrohtësi dhe sofistikim. Mendojini veshjen klasike me një pallto të zezë kombinuar me xhinse të bardha në dimër, ose një fustan të bardhë të lehtë në një piknik.

Aksesorët janë prekja e fundit e çdo veshjeje dhe në modën bardhezi, janë shumë të rëndësishme, për të bërë një thyerje të këndshme. Një çantë e kuqe e guximshme ose bizhuteri në ngjyrë të artë mund ta plotësojnë veshjen tuaj bardhezi në mënyrë perfekte.

Veshjet bardhezi janë të përshtatshme për të gjitha llojet e trupave dhe nuancat e lëkurës. Për ata që duan të krijojnë iluzionin e gjatësisë, vijat vertikale bardhezi janë zgjedhja më e mirë.

Stili bardhezi nuk është thjesht një tendencë, por konsiderohet një filozofi e vërtetë në modë, për këtë arsye, do të jetë gjithmonë pjesë e garderobës suaj. Moda është dinamike dhe ndryshon vazhdimisht, por disa gjëra, si eleganca e përhershme bardhezi, mbeten të pandryshueshme. Ndaj, përqafoni këto ngjyra klasike dhe shkëlqeni me veshjet tuaja bardhezi, shumë modele të të cilave keni mundësi t’i gjeni në COIN TIRANA.