Vepra e re e Banksy-t, e cila u shfaq këtë javë në muret e Margate në Angli dhe e publikuar nga ai në Instagram, quhet “Rimel për Shën Valentinin” .

Me rastin e Ditës së Shën Valentinit, artisti i rrugës donte të dërgonte një mesazh kundër dhunës ndaj grave duke përshkruar një shtëpiake  stereotipike të viteve 1950 me sy të nxirë dhe një dhëmb që i mungon, e cila mbyll kapakun e një frigoriferi të vjetër nga i cili dalin një palë këmbë. Janë ato të burrit të saj që e katandisi kështu.

Disa muaj më parë, disa vepra të Banksy-t u shfaqën në Ukrainë. Murale të njerëzve që kryejnë aktivitete të përditshme në ndërtesat e bombarduara.