Ekziston një vend pune për dashamirësit e kafshëve shtëpiake, ku mund të fitojnë 100 mijë paund në vit dhe të udhëtojnë falas nëpër botë.

Puna e ëndrrave nuk mund të arrihet edhe aq lehtë, pasi duhet të kujdesesh për dy qenushë.

Është një familje miliarderësh ajo që ka publikuar njoftimin dhe po kërkon aktualisht një dado qeni, duke qenë ta gatshëm të paguajnë shifrën e majme.

Në njoftim thuhet se ata po kërkojnë një punëtor “të jashtëzakonshëm dhe me shumë përvojë” për të ofruar “kujdes dhe vëmendje të pashembullt” për qentë.

Dadoja me kohë të plotë pritet të jetojë me familjen në shtëpinë e tyre kryesore në Knightsbridge të Londrës.

Megjithatë, një nga përfitimet është se do të udhëtojnë së bashku me qentë dhe miliarderët amerikanë, kudo që ata të shkojnë.

Detyrat për aplikantin e suksesshëm përfshijnë organizimin e takimeve me qen të tjerë, mbikëqyrjen e të gjitha takimeve me veterinerin, si dhe kontrollet shëndetësore dhe vaksinimet e mbajtjen e të dhënave të detajuara shëndetësore.

Punëkërkuesi duhet gjithashtu të ketë njohuri për ushqimin e qenve, në mënyrë që ata të mund të zhvillojnë një “regjim të personalizuar ushtrimesh” dhe të jenë të vetëdijshëm se si të administrojnë çdo mjekim dhe të jenë në gjendje të njohin shenjat e sëmundjes ose shqetësimet tek kafshët shtëpiake.

George Ralph-Dunn i agjencisë së rekrutimit Fairfax dhe Kensington, të cilët po rekrutojnë dadon në emër të klientit të tyre, tha se paga prej 100,000 £ është e padëgjuar më parë.

Megjithatë, dado do të pritet që të lënë jetën e tyre private mënjanë, në mënyrë që ata të mund të vënë në plan të parë mirëqenien e qenve.