Për sezone të tëra nuk denjuam t’i shikonim dhe i lamë aty, në fund të sirtarit, pothuajse duke harruar ekzistencën e tyre. Tashmë, disa vite më vonë, kanotieret janë rikthyer zyrtarisht në qendër të vëmendjes dhe tani janë një nga tendencat më të forta të verës 2023.
Tani që markat e modës i kanë rikthyer në qendër të vëmendjes, ato kanë pushtuar pothuajse çdo koleksion të modës dhe po pushtojnë ngadalë edhe ata që nuk e kanë vlerësuar kurrë plotësisht sharmin e tyre.
Kanotieret që janë në qarkullim variojnë nga modelet klasike me ngjyra të forta me punim me shirita deri tek ato me stampa shumëngjyrëshe, rruaza ose detaje të prera.
Dhe nëse jeni duke pyetur veten se si t’i kombinoni ato më së miri këtë verë, lëreni veten të frymëzoheni nga pamjet e influencueseve dhe përcaktuesve të trendeve. Ne kemi zgjedhur 5 që jemi të sigurt që edhe ju do të dëshironi t’i kopjoni.
1.Nëse doni të kombinoni tre tendenca të shkëlqyera të momentit në një look, vishni një bluzë të bardhë shumë të thjeshtë me një palë pantallona të shkurtra dhe një këmishë lino oversize. Ju paralajmërojmë se pasi ta provoni këtë përzierje kaq të rehatshme dhe të freskët, nuk do të mund të bëni pa të.
2.Lucy Williams na tregon se si të veshim në mënyrë perfekte kanotieret. Ajo zgjodhi një model me një sup, të cilin më pas e kombinoi me një fund të gjatë dhe dy aksesorë super verorë dhe një çantë me doreza bambu.
3.Alexandra Pereira e ka parë të arsyeshme të veshë kanotieren e saj me një lino të koordinuar të përbërë nga këmishë dhe pantallona të shkurtra. Për t’i dhënë më shumë freski veshjes së saj, ajo zgjodhi një palë sandale të sheshta, syze dielli, një çantë dhe rezultati përfundimtar duket më shumë se bindës.
4. Për një pamje perfekte në stilin e viteve ’90 mund të bëni si Leila Sfez dhe të kombinoni një kanotiere të thjeshtë me një fund lëkure midi, sandale me rripa të hollë dhe një çantë me zinxhir.
5. Nëse në vend të kanotiereve njëngjyrëshe preferoni ato me ngjyra, zgjidhni një me vija të bardha dhe blu. E veshur me një fund të gjatë linoje, shapka të sheshta dhe një çantë, është vërtet shumë shik.
