Me ngrohjen e motit, ne i gëzohemi verës, por kjo ka edhe disa mysafirë të padëshiruar, si mushkonjat. Sigurisht në këtë stinë kalojmë më shumë kohë jashtë, por edhe brenda shtëpisë me dritare të hapura, ndaj “vizitat” nga mushkonjat na shqetësojnë dhe shpeshherë kërkojmë mënyrën më të mirë për t’u mbrojtur.

Shumica e ilaçeve kundër mushkonjave në treg përmbajnë kimikate, të cilat, megjithëse janë efektive, nuk janë gjithmonë të përshtatshme për të gjitha zonat. Sidomos kur flasim për zonën e kuzhinës, ku kemi të bëjmë me ushqimin dhe është mirë të provojmë alternativa të tjera, më miqësore si për ne ashtu edhe për mjedisin. Kjo është arsyeja pse ne kemi gjetur disa mënyra vërtet të thjeshta për të bërë vetë mjetin kundër mushkonjave, me përbërës që tashmë i keni në kuzhinën tuaj, të rekomanduara nga profesionistët.

Me ujë, maja dhe sheqer
Një metodë e rekomanduar nga profesionistët në dezinfektim është krijimi i një kurthi duke përdorur një shishe plastike dy litra. Përzieni një filxhan ujë të nxehtë, një gram maja dhe 1/4 filxhan sheqer në shishe. Më pas, ndani shishen në gjysmë, ngjiteni në pjesën e sipërme të shishes për të formuar një lloj hinke dhe vendoseni diku në kuzhinë. Ky kurth është i sigurt, jo toksik dhe i vret mushkonjat shpejt.

Me kokrra kafeje
Më në fund një përdorim për kafenë tonë të mbetur! Interneti zbuloi kohët e fundit se mushkonjat e urrejnë erën e kafesë, kështu që ka shumë njerëz që e spërkasin atë në kopshte dhe oborre. Ekspertët konfirmojnë se pija jonë e preferuar largon shumë lloje insektesh, duke e bërë atë një zgjedhje ideale për aktivitete në natyrë.

Me kuti vezësh prej letre
Djegia e kutive të vezëve prej letre, ose ato kutitë e shumta prej letre që na japin në kafene, është një mënyrë e shkëlqyer për të larguar mushkonjat. Duhet pasur kujdes për të gjetur një vend të sigurt për të ndezur zjarrin dhe për ta lënë kartonin të digjet ngadalë. Era e djegur do t’i mbajë larg vizitorët e padëshiruar ndërsa ju darkoni në kopsht!

Me vajra esencialë
Nëse keni në dorë disa vajra esencialë, atëherë keni një metodë të sigurt dhe të testuar kundër mushkonjave. Shtoni disa pika vajra si trumzë, livando ose mente në një shishe me sprucim, mbusheni me ujë dhe më pas spërkatni kuzhinën dhe zonat përreth.

Me spërkatje ujë-hudhër
Sipas ekspertëve, hudhra është një tjetër ilaç kundër insekteve. Provoni të bëni spërkatjen tuaj duke përdorur disa thelpinj hudhër , të cilat i grini dhe i zieni për pak kohë. Më pas, vendoseni tretësirën në një shishe sprej dhe shtoni ujë derisa të mbushet dhe mirupafshim mushkonja.