Një çift në Afrikën e Jugut u befasuan kur jashtë shtëpisë së tyre panë 6 luanë që po ngroheshin në diell.

David De Beer dhe gruaja e tij Mariska u tronditën në momentin e parë, por për fatin e tyre të mirë, luanët u trembën nga zhurma brenda në shtëpi dhe u larguan menjëherë.

David, pronari i firmës së ndërtimit Davon Construction, tha se ai dhe Mariska kishin shkuar në shtëpinë e babait të tij në Leadwood Estate, e cila ishte në shitje.

Pamjet e luanëve në oborrin e shtëpisë tërhoqën komente të shumta në rrjetet sociale. “Na duhet një kopsht i tillë, bisha të mrekullueshme”, shkroi dikush. “Rojtarë të mrekullueshëm, mund të ushqehen vetë dhe zero vjedhje”, shkroi një tjetër.

Luanët lëvizin lirshëm në një zonë prej 5500 hektarësh mes Parkur Kombëtar Kruger dhe kanionit të lumit Blyde. Pronarët e rinj të kësaj banese duhet ta kenë të qartë tashmë se pamje të tilla mund t’u shfaqen shpesh.