Një çift të rinjsh në Ukrainë u lidh me zinxhirë dhe pranga dhe do të qëndrojë kështu për 3 muaj, në një test unik dhe të pazakontë për të provuar dashurinë e tyre.

Aleksandër dhe Viktoria zgjodhën ditën e Shën Valentinit për të nisur sfidën e tyre, në një ceremoni që nisi pranë skulpturës së Bashkimit në Kiev.

“Pëllëmbët e çiftit të të dashuruarve janë vetëm disa centimetra larg,” tha Vitali Zorin, i regjistrit kombëtar të rekordeve të Ukrainës, i cili do të mbikëqyrë eksperimentin.

Ai verifikoi që Aleksandri dhe Viktoria ishin shëndetshëm para se të fillonin “izolimin” e tyre personal gjatë pandemisë së koronavirusit.