Skuadra e shpëtimit në Kenia ka arritur të nxjerrë nga një gropë e thellë balte, tre elefantë të ngecur.
Ekipi përdori litarë të gjatë dhe të fortë të lidhur me një traktor për të tërhequr me kujdes elefantët.
Sipas Daily Mail, njëri nga elefantët më të vegjël ka ngecur i pari ndërsa nëna e tij dhe elefanti tjetër kanë tentuar ta shpëtojnë, por kanë mbetur edhe vetë në baltë.
Pasi u nxorën nga balta, elefantët qëndruan të shtrirë për një kohë të gjatë për të rimarrë forcat para se të vijonin udhëtimin e tyre.
Advertisement
Në Kenia ka shpesh momente të tilla me të cilat përballen kafshët e egra, por skuadrat janë gjithnjë të gatshme t’i vijnë në ndihmë mesa munden.
