minibus hire leeds minibus hire Scarborough local minibus hire lajmet e fundit national minibus hire struga lajm lajme ssl web hosting struga Ekspres Shqiperia

Udhëtim në Tekila, për të zbuluar sekretin e prodhimit të pijes së famshme

0
Udhëtim në Tekila, për të zbuluar sekretin e prodhimit të pijes së famshme

Një vendbanim piktoresk, me ndërtesa shumëngjyrëshe dhe rrugët me kalldrëm, qyteti i Tekilas njihet si vendlindja e pijes që mban këtë emër. Qyteti i mbrojtur nga UNESCO, njihet nga Qeveria federale e Meksikës si “Qyteti magjik”.

Kultivimi i bimës “agave”, prej së cilës prodhohet pija e famshme historikisht u është lënë grave, që mendohet se filluan të merreshin me këtë punë, që në shekullin e 16-të. Nëse më parë, prej kësaj pune fitimet ishin të pakta, sot qyteza përveç se ka forcuar ekonominë përmes tregtimit të pijes, është e vizituar edhe nga turistë të shumtë.

Për t’u përcaktuar zyrtarisht si tekila origjinale, pija duhet të distilohet vetëm nga agavet e rritura në qytetin e Tekilas dhe komunat përreth. Toka e pasur vullkanike dhe klima e thatë e bëjnë ideale rritjen e agave blu, një bimë vendase në zonë. Sapo prej kësaj bime merren frutat e saj, të ngjashme me ananasin, dërgohet në një fabrikë pijesh alkoolike, ku piqet për 36 orë, duke lëshuar sheqernat dhe lëngjet.

Në fabrikat e përpunimit të alkoolit, ku më e vjetra në Amerikën Latine është hapur më 1975, punon një staf i gjerë, por vetëm 10 gra janë të certifikuara si mjeshtre të tekilas, të cilat bazuar në përvojën e tyre janë të vetmet që zhvillojnë sot seminaret për njohuritë e prodhimit të kësaj pije. Sekreti sipas tyre, në prodhimin e një pije cilësore varet drejtpërdrejt nga toka dhe klima e vendit ku bima kultivohet, por edhe nga përzgjedhja e filizave që mbillen, që kryhet vetëm nga gratë e “Qytetit magjik” të Tekilas.

Advertisement
Share.

Comments are closed.

Copyright © 2021 StrugaLajme.com | Privacy policy

Struga Lajme | Lajmet nga Kosova | Lajmet e fundit