Studiuesit e Universitetit të Leeds-it kanë zbuluar arsyen se përse çokollata na shijon kaq shumë.

Shkencëtarët kanë analizuar procesin që ndodh në trupat tanë kur hamë çokollatë dhe fokusi është vendosur më shumë në teksturën e saj sesa në shije.

Sipas tyre, linjat e trasha në brendësi të çokollatës ndihmojnë që ajo të jetë e butë dhe e shijshme.

Kur çokollata futet në gojë, sipërfaqja e ëmbëlsirës lëshon një shtresë yndyrore që e bën atë të lëmuar dhe të shijshme për receptorët tanë.

Dr. Siavash Soltanahmadi, i cili drejtoi studimin, shpreson se ky zbulim do të çojë në zhvillimin e një “gjenerate” të re çokollatash më të shëndetshme.

“Studimi ynë krijon mundësinë që prodhuesit të krijojnë në mënyrë inteligjente çokollatë të zezë me një sasi të yndyrës të reduktuar,” u shpreh ai.

Ekipi përdori një “sipërfaqe 3D të ngjashme me gjuhën” që ishte projektuar në Universitetin e Leeds për të kryer studimin dhe ata shpresojnë se kjo pajisje mund të përdoret për të bërë studime për produkte të tjera që ndryshojnë strukturë si akullorja, margarina dhe djathi.