Nga Kimete Berisha
Kurrë nuk ka ndodhur që një politikan të bëhet kaq shpejt i neveritshëm dhe i urryer, si Albin Kurti.
Makiaveli ka thënë se një udhëheqës bëhet i urryer kur i prek popullin në xhep dhe në moral.
Asnjë njeri normal, as në zorin më të madh, nuk e fut dorën në xhepin e popullit të varfër, popullit më të varfër në Evropë.
Kushdo që i varfëron të varfërit – është asocial dhe psikopat.
Kur Kleopatra u jepte miell popullit të saj, e donin dhe e respektonin, kur magjet e popullit zbrazeshin-e gjuanin me gurë!
Nëse qeveritë e kaluara e kanë vjedhur Kosovën deri tash, i kanë vjedhur ato pasuri që nuk kanë qenë tonat, personale.
Prandaj, nuk i kemi ndjerë direkt në xhep.
Kur nuk të humb sendi yt, nuk të humb as shpirti.
Hajnitë e qeverive të kaluara janë abstrakte (pa procese gjyqësore), kurse hajnia e qeverisë Kurti është konkrete, reale, sepse ai po e vjedh mbijetesën tonë!
Po na vjedh personalisht, drejt në xhep.
Jo veç pasuritë e shtetit, por po e vjedh bukën tonë, shtëpinë tonë!
Qeveria Kurti në mënyrën më të vrazhdtë, raciste dhe cinike po e vjedh popullin shqiptar, duke e shtrenjtuar veç për ta rrymën me arrogancë dhe vrazhdësi të tmerrshme!
Mbijetesa në Kosovë është bërë kaq e rëndë, me një shoqëri depresive dhe shumë të varfër.
Është anarki, çmimet nuk i kontrollon kush, në të gjitha anët plaçkitet populli, nga qeveria dhe nga tregtarët skllavopronarë.
Gjithçka që bën Albin Kurti, e bën për t’i detyruar shqiptarët të largohen nga Kosova!
Ku me ditë për çfarë motivi u bë armiku më i madh i mirëqenies, i lirisë dhe i pavarësisë.
P.S. Magnet për urrejtje e bën cinizmi, e fjalori i cinizmit është sarkazma (përbuzja).