Nga Arben Bllaci

Fotot jane hyrje te Pallatit te Kongreseve, kryesorja dhe nje zgeq qe gjendet perfund ca shkalleve. I sjell ketu sepse nga ky zgeqi turperues, te kjo dera lemerisese, hapur vetem nje kanat, hyjne… gjyqtare dhe prokurore qe vetingohen.

E kam ditur se shqyrtimi i tyre behet te ish – lidhja e shkrimtareve, tek ajo godina e bukur ku se paku do mbanin mend dinjitetin e te trajtuarit, edhe nese do t’i perjashtonin.

Por, jo! Hyjne ketu shpesh here edhe brinjaz kur jane ca te beshem/me. M’u kujtua i ndjeri Perikli Teta qe e arrestuan per nje proteste dhe e nxorren ne gjyq, ne nje gjyq e ne nje salle e me ca njerez qe s’do t’i qaste as pazari i pajimeve per gomare.

– Shkoni vishni toga, vini kravate, pastaj hajdeni ketu me gjykoni mua!

Edhe me varni, po deshet, po me dinjitet! – ua peprlasi Perikliu i urte dhe cuditi dynjane, duke u bere shkak qe situata te ndryshonte rrenjesisht pas atij gjyqi.

Sa per vete, po te isha gjykates, sikur edhe me i korruptuari ne rruzull, do refuzoja ne menyre demostrative hyrjen nga kjo vrime e qelbur ne nje salle ku luhet me fytyren e drejtesise, per mire a per keq qofte loja!