Nga Astrit Patozi

SPAK-u mund të jepte një kontribut të madh për interesin publik, që mund të shërbente sadopak edhe për zgjedhjet e 25 prillit.

Mjafton të hetonte dhe dërgonte shpejt në gjykatë këtë çështjen e vilës së Farkës. Që të paktën të mos kishim njëkohësisht dy gjela, që këndojnë majë plehut, për të njëjtën temë.

Sepse njëri prej tyre duhet të dënohet dhe  çertifikohet si mashtrues me letra, mundësisht përpara se të votohet për parlamentin e ardhshëm.

Dhe këtu bëhet fjalë për raportin që kanë me të vërtetën në kohë fushate dhe jo për pasurinë dhe lekët, se për ato nuk kemi dyshim që të dyja palët nuk e kanë problem.

Jo për gjë, por e vërteta alternative  nuk ekziston. Ajo thjesht është një shpikje e të marrëve dhe gënjeshtarëve.