Kandidati për kryeministër i Lëvizjes Vetëvendosje, Albin Kurti, pasi shpalli fitoren në zgjedhjet e 14 shkurtit, u shpreh se ky mandat do të jetë “pa hakmarrje”.

Ai premtoi se qeveria e tij do të kërkojë vetëm përgjegjësi.

“Ky referendum për drejtësi e punë, e kundër kapjes së shtetit dhe korrupsionit, u fitua. Është diçka e pashembullt në Kosovën e pasluftës”, tha Kurti në një konferencë për media të dielën mbrëma.

Sa i përket, krijimit të një ekipi negociator për dialogun me Serbinë, Kurti shtoi se nuk do të jetë prioritet.