Situata epidemiologjike në Kosovë vijon të mbetet e stabilizuar.

Si rezultat i 999 testimeve, 8 qytetarë kanë rezultuar pozitivë me koronavirus. Ndërkohë, COVID-19 nuk ka shkaktuar asnjë viktimë në 24 orë.

Ministria e Shëndetësisë bën me dije se numri total i rasteve aktive në të gjithë vendin është 462, ku 51 pacientë po marrin ndihmë mjekësore në spitalet COVID, nga të cilët 15 prej tyre janë në gjendje më të rënduar.

Gjatë 24 orëve janë shëruar 6 qytetarë duke e çuar numrin e të shëruarve në 157.440 që prej fillimit të pandemisë. Fatkeqësisht, numri i përgjithshëm i vdekjeve ka shkuar në 2.978.